sábado, 5 de diciembre de 2015

Artetsu sariak

Bart une hunkigarriak bizi izan ditugu Artetsu sarien galan. Udal merkatu plazan partekatu ditugu gure bizipenak, gure keskak eta baita gure poztasunak ere. 
Lehenengo diplomak erakustokirik politenei eman dizkiegu.
 



Iaz publikoak erabaki zuen Zur eta Lur politena zela eta Gorka Garrotek, bere sortzailea, jaso du saria. Larunbatetik aurrera bere erakustokian ikusiko duzue diploma.







 


Arbasoren ustez, Artezi Tapizeria izan da aurtengo erakustokirik politena, horregatik Norone Bizkarrak eta Iratxe Artiachek jaso dute diploma. Duela gutxi dabiltza durangar hauek  tapizgintza lantzen baina etorkizun oparoa izango dute.









 

20 urte joan dira dagoeneko eta lehenengo edizioan eta hogeigarren edizio honetan parte izan dira, Otero pilotagile eta Zapatari, haiek ere euren diploma izan dute. Leialtasun eta maisutasun egindako lanaren izenean gure esker onak izan dituzte.





Jarraian Artetsu Sariak banatu ditugu.
HEDABIDEAK saria artisautza hedatzeko egin duen lanagatik, gure arazoak, gure beldurrak, gure keskak beti kontuan hartu izan dituztelako eta horrela jarraitzea espero dugu. DEIA egunkariari eman diogu. Ana Rementeriak, Durangaldeko marketing arduradunak, jaso du saria
Aste honetan, Euskararen eguna ospatu dugu. Aurten merezitako elkarte batek jaso du EUSKARA SARIA. "Euskararik gabe, Euskal Herririk ez” izan zen orain dela 36 urte Durangon aurkeztu zuen leloa. EUSKAL HERRIAN EUSKARAZ elkarteak 1979. urtean aurkeztu zuen bere burua  jendeaurrean. Harrezkeroztik buru belarri dabil gure hizkuntzaren aldeko kontzientzia suspertzen. Koldo Zaratek eta Maialen Bildosolak hartu dute saria
Hurrengo saria ERAKUNDEAK LAGUN izan da. Azken urteetan Zamudioko Udalak apustu handia artisauen alde egin duelako, guregan konfiantza jarri duelako, horregatik eman diogu saria. Zamudioko alkateak, Igotz López Torrek jaso du.
Eta horrela, pixkanaka pixkanaka, heldu gara azken sarira. Oso berezia izan da aurtengoa;  hiru izan direlako eta erretirua hartu dutelako bizitza osoa ahaleginean egon eta gero, BIZITZA OSA saria ametsetan eta ilusioz beteta eman duenarentzako omenaldia da. Arbasoen lanbideari ekin die maisuki, zehatz, arte izatera eroateraino. 20. edizio berezi honetan hauek izan dira saridunak:
José Ramón Salmantón. Salmantón. Otzaragintza.
Elena Txintxurreta. Buztingintza.
Alicia Bengoetxea. Espartingintzan.
Salmantón gaixorik dago eta ezin izan da gurekin egon, hala ere, Arbasoko presidentea joango da berarengana eta saria eramango dio.
Hona hemen saridun guztien argazkia.


No hay comentarios:

Publicar un comentario