Zuri itxaroten

Gaur goizean Durangoko 20. Euskal Dendak zabaldu ditu ateak. Asteartera arte bisitariek Euskal Herriko edozein lurraldetatik etorritako artisauen lanak ikusteko aukera izango dute. Auten 51 artisauk parte hartuko dute, Arbasok antolatutako azoka honetan.

Lehenengo ordutik egon da gainezka merkatu plaza. Umeek eta nagusiek artisauekin gozatu dute eta horrela jarraitzea espero du Arbaso Elkarteak. Aurtengo slogana honakoa da: “Ezina ekinez egina” eta berriro ere Euskal Denda Euskal Herriko artisautzaren erakusleihorik garrantzitsuena izango da.

Inauguzaio ekitaldian Bernat Vidalek, Durangoko alkateak, Aitziber Idigoras, Durangaldeko amankomunazgo presidenteak, Aitor López eta Gerediagako presidenteak, Nerea Mujika, moztu dute zinta.

Goizean ere Durangoko Santa Rita-San Antonio eskolako ikasleek bisita gidatu baten parte hartu dute eta sakon-sakon ezagutu dituzte parte hartzen duten artisauak.

Euskal Denda diruen bitartean, azoka-lekuan hainbat ekintza burutuko dira. Bisitariak aukera izango du jolasetan eta lehiaketetan parte hartzeko. Gazteenei tailer espezifikoak eskainiko zaizkie, bereziki eurentzat diseinatuak eta arrakasta handia dutenak, besteak beste, karameluak egitea edo zetazko zapia margotzea.

Euskal Dendaren helburu nagusia artisautza tradizionala zein garaikidea bultzatzea eta merkaturatzea da, beti ere, Euskal Herrian egindakoaren zigiluaz. Beraz, aukera ezin hobea da bisitariek bertatik bertara artisauen lanak ikusi eta goza dezaten, eginkizun ia ezinbestekoa profesional hauek biziraungo badute. Esperientzia honi esker, bisitaria ohartuko da lanbide zaharrak indarrean daudela, eta ez dela pieza sortu berrien kalterako.

Partehartzailea

Euskal Dendak euskal lurralde guztietako ordezkariak izango ditu. Guztira 51 artisau, Araba, Bizkaia, Gipuzkoa, Lapurdi eta Nafarroatik etorritakoak. Espazioak dituen mugak direla eta, ezinezkoa da erakusketari gehiago ekartzea. Hala ere, horrek ez du esan nahi Euskal Denda ez dela hazten ari; izan ere, urterik urte, euren lanbideei buelta emanez, egokitu eta gaurkotzea lortu duten abangoardiako artisauek parte hartzen dute. Berrogeita hamar artisauetatik, hamasei berriak izango dira.

Bizkaia izango da ordezkari gehien ekarriko dituena, hogei, hain zuzen ere, iaz baino bat gehiago. Gipuzkoatik hamasei etorriko dira; Nafarroa iazko lautik bederatzira pasatu da. Arabarrak ere gehiago izango dira, bost. Lapurditik, aurrekoan bezala, bat etorriko zaigu.

Sektoreei dagokienez, aurten ehungintza da nabarmentzekoa, bost izango baitira erakusketariak. Moda, patchworka, tapizatua, umeentzako ehungintza edo arropa modernista, guztiak aurrerabide ezagugarri. Halaber, nobedadea izango dira egurrezko betaurrekoak, zeinek kritika ezin hobeak izan dituen I+G+B ikuspegitik. Egurgintzak, bada, zazpi ordezkari izango ditu. Nekazaritzazko elikagaietako artisauak ere zazpi izango dira, beira lantzen dutenak lau, bitxigintzakoak zazpi eta forjari bat. Erakusketa gunea osatzeko, otzaragile bat eta sei zeramikagile batuko zaizkie aipaturikoei. Larrugintzak bost ordezkari izango ditu. Halaber, espazioa eta denbora emango zaizkie birziklatutako objektuei, euskal kirolari, beste bina kosmetikari eta jostailugintzari.

Berri-berriak

Erakusketari berriak hamasei izango dira. Nafarroatik, lehen aldiz, beira lantzen duen Decristalia-Cristal eta moda eta diseinua lantzen duen Erabili. Arabatik berriak etorriko zaizkigu ia denak: Irantzutzu, patchworken espezializatua; Lekutxu, bere jostailu naturalekin; eta bitxigintza garaikidearena lantzen duen Madame Kiwi. Bizkaitik, apostu berritzailea egingo du Anithak, bere papergintzako antzinako teknikekin. Lehen aldiz izango dira Ceramica el Unicornio eta Ixi Wood berritzaileak, sormen handiko sortzaileak eta egurrezko betaurrekogileak. Halaber, lehen aldia da kosmetiko naturalak egiten dituen Landalorerentzat; larruzko osagarriak egiten dituen Larruzko Eskuakentzat eta Rosa Etxabe zeramikagilearentzat. Gipuzkoak honako ordezkariak bidaliko ditu: tapizatuetako tekniketan abangoardian ari den Artezi Tapizeria; nekarazitzako elikagaigintzan ari den Damasoro Etxaldea; larruk

igintzako produktuak egiten dituen Eskuz Larrugintza; Hazi eta Hezi jostunak; jostailugintzako abenturan murgilduta dabilen Kromosoma. Aipaturiko guztiek osatuko dute 20. Euskal Denda.

2015eko jarduerak

Euskal Dendak beti hartzen ditu aintzakotzat bisitariak, artisautza tradizionalean murgiltzeko asmoarekin. Aurtengo 20. edizioan, bada, are gehiago. Asmoa baita ekoizleak bertatik bertara ezagutzeaz gain, antzinako lanbideak ezagutaraztea eta horietan sakontzea. Horregatik bada, bertan, zuzeneko erakustaldiak egingo dituzte. Beharbada, tailerrak eta erakustaldiak dira azoka hau Euskal Herrian egiten direnetatik berezia egiten dutenak. Beraz, aurten ere, bisitaria ikuslea izateaz gain, pieza bat sortzeko prozesuan parte hartu ahalko du.

Artetsu Sariak

Arbaso 2005ean Artetsu sariak ematen hasi zen. Sari hauen bitartez, banakakoen edota entitateen lana aintzat hartu nahi da. Horregatik bada, zentzu guztietan artisautzaren alde egiten duten artisauak, erakundeak eta hedabideak saritzen da. Hamaikagarren edizio honetako Artetsu sariak honakoak izango dira: Bizitza Osoa José Ramón Salmantónek, Elena Txintxurretak. Alicia Bengoetxeak jasoko dute. Hedabideak Saria DEIAri emango da, Erakundeak lagun Zamudioko Udalak jasoko du eta Euskara sustatzea Euskal Herrian Euskarazentzat.

Sariak emateko gala gaur arratsaldean egingo da Udal Merkatu Plazan, arratsaldeko 19:30etan.